,...تجھ سے ہاریں کہ تجھے مات کریں

تجھ سے ہاریں کہ تجھے مات کریں

تجھ سے خوشبو کے مراسم تجھے کیسے کہیں

میری سوچوں کا اُفق تیری محبت کا فسوں

میرے جذبوں کا دل تیری عنایت کی نظر

کیسے خوابوں کے جزیروں کو ہم تاراج کریں

تجھ کو بھولیں کہ تجھے یاد کریں

اب کوئی اور نہیں میری تمنا کا دل

اب تو باقی ہی نہیں کچھ

جسے برباد کریں

تیری تقسیم کسی طور ہمیں منظور نہ تھی

پھر سرزم جو آئے تو تہی داماں آئے

چن لیا دردٍ مسیحائی

تیری دلدار نگاہی کے عوض

ہم نے جی ہار دیئے، لُٹ بھی گئے

کیسےممکن ہے بھلا

خود کو تیرے سحر سے آزاد کریں

تجھ کو بھولیں کہ تجھے یاد کریں

اس قدر سہل نہیں میری چاہت کا سفر

ہم نے کانٹے بھی چنے روح کے آزار بھی سہے

ہم سے جذبوں*کی شرح نہ ہو سکی کیا کرتے

بس تیری جیت کی خواہش نے کیاہم کونڈھال

اب اسی سوچ میں گذریں گے مہ و سال مرے

تجھ سے ہاریں کہ تجھے مات کریں

.... بھری بہار میں

بھری بہار میں اب کے عجیب پھول کھلے

نہ اپنے زخم ہی مہکے ، نہ دل کے چاک سلے

کہاں تلک کوئی ڈھونڈے مسافروں کا سراغ

بچھڑنے والوں کا کیا ہے ، ملے ملے نہ ملے

عجیب قحط کا موسم تھا اب کے بستی میں

کیے ہیں بانجھ زمینوں سے بارشوں نے گِلے

یہ حادثہ سرِ ساحل رُلا گیا سب کو

بھنور میں ڈوبنے والوں کے ہاتھ بھی نہ ملے

سناں کی نوک، کبھی شاخِ دار پہ محسن

سخنوروں کو ملے ہیں مشقتوں کے صلے

محسن نقوی

~~ آخری گفتگو ~~

یہ تصویریں ہیں

خط ہیں

اور کچھ پُرزے ہیں

جن پر تُم مجھے پیغام لکھتی تھیں

انہیں محفوظ کر لو

ہاں مگر افسوس

ٹیلی فون پر جو گفتگو

تم مجھ سے کرتی تھیں

اُنہیں میں تم کو واپس کر نہیں سکتا

جو میری دسترس میں تھا

تمہارے سامنے ہے سب

جو باقی ہے

صدا ہے اب ۔۔۔۔

میں کیسے اس کو یقیں دلاؤں

عجب کشمکش کے راستے ہیں

بڑی کٹھن یہ مسافتیں ہیں

میں جس کی راہوں میں بِچھ گئی ہوں

اسی کو مجھ سے شکائتیں ہیں

شکائتیں سب بجا ہیں، لیکن

میں کیسے اس کو یقیں دلاؤں

اُسے بُھلاؤں تو

مر نہ جاؤں

میں اس خموشی کے امتحاں میں

کہاں کہاں سے گزر گئی ہوں

اُسے خبر بھی نہیں ہے شاید

میں دھیرے دھیرے

بکھر گئی ہوں

چاند سے روز پوچھتا تھا میں

چاند سے روز پوچھتا تھا میں

کس لئے اس قدر اُداس ہو تم؟

کس کی چاہت میں سال بھر پھیرے

سال بھر گھٹتے بڑھتے رہتے ہو تم

اُجڑے اُجڑے سے بکھرے بکھرے ہو

کیا ستارے تمہیں جگاتے ہیں؟

میرے ایسے کئی سوالوں پر

چاند نظریں چرا کے چھپ جاتا

اُوٹ میں بادلوں کی چھپ جاتا

آج مجھ پر جدائی آئی ہے

چاند سرگوشیوں میں پوچھتا ہے

ساتھی، اِتنے اُداس کیوں کر ہو؟

کس لئے تیری پلکیں بھیگی ہیں؟

کس لئے نیند تم سے روٹھی ہے؟

چاند سے ایسی گفتگو سن کر

آج میں نے نظر چرائی ہے

اپنے ہاتھوں میں منہ چھپایا ہے

اور رویا ہوں سسکیاں لے کر

ہم خود فریبی میں زندگی بِتاتے ہیں

ہم تمام زندگی

خوشیوں کی تلاش میں

بے حساب رنج و غم

اپنے دل پہ سہتے ہیں

جان تک گنواتے ہیں

نم آنکھوں سے ہنستے ہیں

اور خود سے کہتے ہیں

رنج عارضی ہیں یہ

خود فریبی ہے

سُن

اصل میں یوں ہوتا ہے

مختصر سی مدت میں

خوشیاں بیت جاتی ہیں

ہم خود فریبی میں

زندگی بِتاتے ہیں

ایک چراغ بجھتا ہے

دوسرا جلاتے ہیں

دشت و آس و یاس میں

ننگے پاؤں چلتے ہیں

خوشیوں کی تلاش میں

غم سمیٹ لیتے ہیں

...ہاتھ بھر کی دوری پر

اک نظر کی فرصت میں

سطح دل پہ کھل اُٹھے

لفظ بھی، معانی بھی

خامشی کی جھلمل میں

آگ بھی تھی، پانی بھی

دل نے ڈھرکنوں سے بھی

جو کہی نہیں تھی اب تک

ان کہی کہانی بھی

ان کہی کہانی میں

آنکھ بھر تمنا تھی

ہاتھ بھر کی دوری پر

لمس بھر کی قربت تھی

لمحہ بھر کا سپنا تھا

کتاب_دل میں جو نفرت کا باب رکھتا تھا

کتاب_دل میں جو نفرت کا باب رکھتا تھا

وہ چاہتوں کا مکمل حساب رکھتا تھا

فریب دیتا رہا دوستی کے پردوں میں

وہ شخص چہرے پہ کتنا نقاب رکھتا تھا

آج اس کے ہاتھوں میں پتھر دکھائی دیتا ہے

جو اپنے ہاتھ میں ہر دم گلاب رکھتا تھا

وہ شخص جو کہ بھٹکتا دکھائی دیتا ہے

راہ_وفا میں قدم کامیاب رکھتا تھا

کہاں تلاش کروں میں اس کو آج فراز

جو اپنی بات میں اپنا جواب رکھتا تھا

...معیار

خود کو تیرے معیار سے گھٹ کر نہیں دیکھا

جو چھوڑ گیا، اُس کو پلٹ کر نہیں دیکھا

میری طرح، تُو نے شبِ ہجراں نہیں کاٹی

میری طرح، اس تیغ پہ کٹ کر نہیں دیکھا

تُو دشنہِ نفرت ہی کو لہراتا رہا ہے

تُو نے کبھی دشمن سے لپٹ کر نہیں دیکھا

تھے کوچہِ جاناں سے پرے بھی کئی منظر

دل نے کبھی اس راہ سے ہٹ کر نہیں دیکھا

اب یاد نہیں مجھ کو فراز اپنا بھی پیکر

جس روز سےبکھرا ہوں سِمٹ کر نہیں دیکھا

احمد فراز

... دیر کتنی لگتی ہے

آگ ہو تو

جلنے

میں دیر کتنی لگتی ہے

برف کے پگھلنے میں‌ دیر

کتنی لگتی ہے

چاہے کوئی رک جائے، چاہے

کوئی رہ جائے

قافلوں کو چلنے میں دیر

کتنی لگتی ہے

چاہے کوئی جیسا بھی

ہمسفر ہو صدیوں سے

راستہ بدلنے میں دیر کتنی

لگتی ہے

یہ تو وقت کے بس میں ہے

کہ کتنی مہلت دے

ورنہ بخت ڈھلنے میں دیر

کتنی لگتی ہے

موم کا بدن لے کر دھوپ میں

نکل آنا

اور پھر پگھلنے میں‌ دیر

کتنی لگتی ہے

سوچ کی زمینوں میں راستے

جدا ہوں تو

دور جا نکلنے میں دیر کتنی

لگتی ہے

...نہیں کرتی

میں اپنی ذات کا کبھی اظہار نہیں کرتی

شاید میں خود سے بھی پیار نہیں کرتی

کیا کھویا کیا پایا چھوڑو اب اس کو

میں تقدیر سے کبھی تکرار نہیں کرتی

دنیا کی عدالت میں خاموش رھتی ھوں

میں لفظوں سے کسی کو سنسار نہیں کرتی

اپنے جذبوں کو چھپا رکھا ھے تہہ دل میں

میں اپنے جذبوں کا بیوپار نہیں کرتی

ھاتھوں کی لکیروں میں کیا لکھا سوچا نہیں

میں اب ان باتوں پر اعتبار نہیں کرتی

زندگی کا سفر گزر رھا ھے دھیرے دھیرے

میں دن مہینوں کا شمار نہیں کرتی

نہ دنیا سے شکوہ نہ کسی سے شکایت ھے

میں کسی سے بھی گلہ سرکار نہیں کرتی

چلو تم کو بتا دیتے ہیں

تم نے پوچھا ہے، چلو تم کو بتا دیتے ہیں

جو ہم پر گزری ہے، تم کو بھی سُنا دیتے ہیں

تیرے بعد ہمیں خود پہ بھی اعتبار نہیں

لفظ لکھتے ہیں، لکھ کر مٹا دیتے ہیں

نمی آنکھوں میں لیے، لوگوں سے کبھی ہنس لیں

تو ایسا لگتا ہے کہ خود کو سزا دیتے ہیں

تیری یاد سے اک پل بھی غافل نہ رہے

یونہی دل کے بہل جانے کو بُھلا دیتے ہیں

ہم نے ہنس کے تیرے ساتھ گزارے تھے کبھی

یاد آتے ہیں جو وہ پل تو رُلا دیتے ہیں

کیا......؟

یہ جو بے رُخی ہے بجا نہیں، یہ ادائیں کیوں، یہ غرور کیا

یہ گریز کس لیے اس قدر، یہ خفا خفا سے حضور کیا؟

تجھے یاد کرنا مذاق تھا، تجھے بھول جانا عذاب ہے

یہ سزا ہے جرم ِفراق کی، میرے حافظے کا قصور کیا؟

تیرے ساتھ ہے جو تیری اَنا، میرے ساتھ میرا نصیب ہے

مجھے تجھ سے کیسی شکایتیں، تجھے خود پہ اتنا غرور کیا؟

یہ تمہارا چہرہ کتاب ہے، اسے پڑھ رہا ہوں میں ورق ورق

ذرا بات سادہ لکھا کرو، یہ محاوروں کی سطور کیا؟

...چھوڑ گیا

کسی کی یاد کی پرچھائیوں میں چھوڑ گیا

یہ کون پھر سے مجھے آندھیوں میں چھوڑ گیا

مہک رہا ہوں صبح و شام تیری یادوں میں

ترا وجود مجھے خوشبوؤں میں چھوڑ گیا

... مانگتا تھا

عجیب شخص تھا ہر اک سے پیار مانگتا تھا

جہاں نہ درد ہو ایسا دیار مانگتا تھا

جو مانگتا تھا وہ دینا مری بساط نہ تھی

وہ میری روح کا مجھ سے قرار مانگتا تھا

اسے طلب تھی کوئی ٹوٹ کر اسے چاہے

وہ ہاتھ جوڑ کے الفت ہزار مانگتا تھا

اسے عزیز تھا دنیا کا ہر بلند مقام

وہ شخص اپنے لیے اوجِ دار مانگتا تھا

مرے خلوص پہ شاید تھا شک اسے شہزاد

وفا کی راہ میں وہ اعتبار مانگتا تھا

ذرا ٹھہر جائو۔۔۔۔۔

کھڑے ہیں خواب ہتھیلی پہ رکھ کر

اور اس میں بند ہیں وہ جگنو لمحے

تمہاری دستکیں گم ہو رہی ہیں

نہ آنے کے بہانے ڈھونڈتے ہو

سمجھنا ہے، سمجھ جائو

جو جانا ہے چلے جائو۔۔۔۔۔۔۔۔۔۔۔۔

مگر یہ دل کیوں اب تک کہہ رہا ہے

ذرا ٹھہر جائو۔۔۔۔۔۔۔۔ ذرا ٹھہر جائو

...آگ سی جذبوں کی

بے چین بہت پھرنا گھبرائے ہوئے رہنا

اک آگ سی جذبوں کی دہکائے ہوئے رہنا

چھلکائے ہوئے چلنا خوشبو لب ِ لعلیں کی

اک باغ سا ساتھ مہکائے ہوئے رہنا

اس حسن کا شیوہ ہے جب عشق نظر آئے

پردے میں چلے جانا شرمائے ہوئے رہنا

اک شام سی کر رکھنا کاجل کے کرشمے سے

اک چاند سا آنکھوں میں چمکائے ہوئے رہنا

عادت سی بنا لی ہے تم نے تو منیر اپنی

جس شہر میں بھی رہنا اکتائے ہوئے رہنا

کون ہے جو تقدیر سے پوچھے کہ کیوں مر جاتے ہیں ایسے لوگ

جنکی باتیں ، جنکی یاد یں بن جاتی ہیں دل کا روگ

...ہجر

کِتنا آساں تھا تیرے ہجر میں مرنا جاناں

پھر بھی اِک عمر لگی جان سے جاتے جاتے

... محبت کیا چیز ہے

محبت بھی کیا شے ہے اللہ جانے

ہیں جتنی زبانیں ہیں، اُتنے افسانے

پلا دی یہ ساقی نے کیا شے نہ جانے

پلٹ آئے ہیں میرے گزرے زمانے

ہمارے زمانے، تمہارے زمانے

جو مل جائیں دونوں تو کیا ہو جانے

شروع ِ محبت ارے توبہ توبہ

قیامت گزر جائے کوئی نہ جانے

وہ اشکوں کی یورش وہ آہوں کی شورش

وہ ضبطِ محبت کے نازک زمانے

محبت کی ویرانیوں میں نہاں ہیں

محبت کی آبادیوں کے خزانے

محبت کیا چیز ہے مجھ سے نہ پوچھو

میں پوچھوں گا تم سے جو چاہا خدا نے

وہی ہے خمار جنونی وہی ہے

جو اپنی مرضی کرے اور کسی کی نہ مانے

...اکثر

بدلے ہوئے حالات سے ڈر جاتا ہوں اکثر

شیرازہ ملت ہوں ، بکھر جاتا ہوں اکثر

میں ایسا سفینہ ہوں کہ ساحل کی صدا پر

طوفان کے سینے میں اُتر جاتا ہوں اکثر

میں موت کو پاتا ہوں کبھی زیرِ کفِ پا

ہستی کے گماں سے بھی گزر جاتا ہوں اکثر

مرنے کی گھڑی آئے تو میں زیست کا طالب

جینے کا تقاضا ہو تو مر جاتا ہوں اکثر

رہتا ہوں اکیلا میں بھری دنیا میں واصف

لے نام مرا کوئی تو ڈر جاتا ہوں اکثر

اب لوٹ آؤ دوست

اب تو لوٹ آؤ دوست

اے دوست میں اب بھی تیرا منتظر ہوں

اپنی خاکِ رہ سے پوچھ میں اسے ذرا ذرا ازبر ہوں

کتنی راتیں بیت گئی

تجھے سوچتے سوچتے

ترے خواب دیکھتے دیکھتے

تجھے ڈھونڈ تے ڈھونڈتے

تو نے پوچھا ہے فلک پہ چمکتے تاروں سے

کس شام مری پلکوں پہ ستارے نہیں سجے

چاند سے پوچھنا،

کہ اس کے ساتھ جاگ جاگ کے

ویراں ہوچکا میں

میرے جذبات دھول ہو چکے

میرے خواب اجڑ چکے

کتنی شامیں میں نے ہاتھ کی انگلی سے

تیرا نام آسماں پہ لکھنے گزاری ہیں

ان ہواؤں سے پوچھنا

کس حوصلے سے میں نے

اس آنکھوں کے سمندر کو تھام رکھا ہے

کتنے موسم مرے آنگن میں اکیلے اترے

اور تیرا پوچھتے پوچھتے گزر گئے

کتنے جگنو تجھے دیکھنے کو میری چھت پہ ٹھہرے ہوئے ہیں

کتنی تتلیاں تیری رہ میں

اپنے پروں کی چمک سجائے کھڑی ہیں

اور میں !

کتنے دنوں سے اکیلا اور اداس ہوں

اب تو لوٹ آؤ دوست

میں اب بھی تیرا منتظر ہوں

ہجر کی نظم

ہجر کی نظم تمام رات بے تاب رہے

میری آرزو کے مرغزار

میری سوچ کے دیے

میرے جگر سے اٹھتی درد کی ٹیسیں

میرے دل میں اترتے یاد کے شیشے

میری آنکھوں میں سرایت کرتی

وہ دوریوں کی ہوا

میری گردن کو جکڑتے ہجر کے پنجے

میری گلیوں سے گزرتی

سیاہ رات کی چیخیں

میرے گھر میں اترتی

وہ صبح کی پلکیں

اے شام بیتاب

میرا درد سُن

مجھے گلے سے لگا ،

آ میری بن

شام کے اُس پار

وہاں چلیں جہاں شام ڈوب جاتی ہے

جہاں خواب جاگتے رہتے ہیں

جہاں حسرتیں بے اماں نہیں ہوتی

وہ جہاں نالوں کی فغاں بے زباں نہیں ہوتی

جہاں ہر اک زاویہ نئی سوچ کا مظہر ہے

جہاں خوشیوں کا دوام اب بھی قائم ہے

جہاں درد کا رشتہ اب بھی دائم ہے

جہاں پھول بھی ، مرغزار بھی جلتے ہیں

جہاں منزل انہیں ملتی ہے

جو بس اک گام چلتے ہیں

جہاں سدا الفتوں کا سویرا رہتا ہے

جہاں کا محبتوں کا نشہ چڑھا رہتا ہے

اے صبح بے نور

تو بھی جا کے دیکھ اس دیس تک

جہاں فقط ظلمتوں کو زوال ہے

جہاں خواب صدیوں کی پوشاک اوڑھے

سدا ہنستے رہتے ہیں

جہاں فقط دکھوں کو جبر کو ظلم کو زوال ہے

... نہیں ملتیں

ہر کسی کو دنیا میں شہرتیں نہیں ملتیں

زندگی کے لمحوں کی قیمتیں نہیں ملتیں

فتح کی خواہش میں اعمال بھی تو لازم ہیں

صرف کچھ ارادوں سے منزلیں نہیں ملتیں

فیصلے یہ چاہت کے آسماں پہ ہوتے ہیں

دو دلوں کے ملنے سے قسمتیں نہیں ملتیں

دین اور دنیا کو ساتھ رکھنا پڑتا ہے

مسجدوں میں رہنے سے جنتیں نہیں ملتیں

مان لو زمانے میں اور بھی ہیں مجھ جیسے

حسب ِآرزو جنہیں چاہتیں نہیں ملتیں

...رسم

ہے زمانے بھر کا اصول جو ، وہ اصول تُم نے نبھا دیا

یہ رسم ٹھہرے گی معتبر ، مجھے بھول جانے کا شُکریہ

...تمھیں کیا

تمھیں کیا۔۔۔

زندگی جیسی بھی ہے

تم نے تو اِس کی ہر ادا سے رنگ کی موجیں نچوڑی ہیں

تمھیں تو ٹوٹ کر چاہا گیا۔۔۔ چہروں کے میلے میں

محبت کی شفق برسی تمھارے خال و خد پر

آئنے چمکے تمھاری دید سے

خوشبو تمھارے پیرہن کی ہر شکن سے

اِذن لے کر ہر طرف وحشت لُٹاتی تھی

تمھارے چاہنے والوں کے جھرمٹ میں۔۔۔

سبھی آنکھیں تمھارے عارض و لب کی کنیزیں تھیں!

تمھیں کیا۔۔۔

تم نے ہر موسم کی شہ رگ میں اُنڈیلے ذائقے اپنے

تمھیں کیا۔۔۔

تم نے کب سوچا؟

کہ چیزوں سے اٹی دنیا میں، تنہا سانس لیتی

ہانپتی راتوں کے بے گھر ہم سفر

کتنی مشقت سےگریبانِ سحر کے چاک سیتے ہیں؟

تمھیں کیا۔۔۔!

تم نے کب سوچا؟

کہ تنہائی کے جنگل میں۔۔۔

سیہ لمحوں کی چبھتی کرچیوں سے کون کھیلا ہے؟

تمھیں کیا؟

تم نے کب سوچا۔۔۔۔

کہ چیزوں سے اٹی دُنیا میں

کس کا دل اکیلا ہے؟

... دل دکھتا ہے

جب زخم دہکنے والے ہوں

اور خوشبو کے پیغام ملیں

اور اپنے دریدہ دامن کے

جب چاک سلیں

دل دکھتا ہے

جب آنکھیں خود سے خواب بنیں

خوابوں میں بسرے چہروں کی

جب بھیڑ لگے

اس بھیڑ میں جب تم کھو جائو

دل دکھتا ہے

جب حبس بڑھے تنہائی کا

جب خواب جلیں، جب آنکھ بجھے

تم یاد آئو

دل دکھتا ہے

...متاع و مال شکستگا ں

ابھی آگ پوری جلی نہیں ، ابھی شعلے اونچے اٹھے نہیں

کہاں کا ہوں میں غزل سرا، مرے خال و خد بھی بنے نہیں

ابھی سینہ زور نہیں ہوا میرے دل کے غم کا معاملہ

کوئی گہرا درد نہیں ملا ، ابھی ایسے چرکے لگے نہیں

اس سیل نور کی نسبتوں سے تو میرے دریچہ دل میں آ

میرے طاقچوں میں ہے روشنی، ابھی یہ چراغ بجھے نہیں

نہ میرے خیال کی انجمن ، نہ میرے مزاج کی شاعری

سو قیام کرتا میں کس جگہ ، میرے لوگ مجھ کو ملے نہیں

میری شہرتوں کے جو داغ ہیں ، میری محنتوں کے یہ باغ ہیں

یہ متاع و مال شکستگا ں ہیں ، زکواۃ میں تو ملے نہیں

ابھی بیچ میں ہے یہ ماجرا ، سو رہے گا جاری یہ سلسلہ

کہ بساط حرف و خیال پر ، ابھی پورے مہرے سجے نہیں

اعتبار ساجد

... دهیان

سنو بلا کی افراتفری هے هماری زات میں لیکن

بے دهیانی میں بهی تمهارا دهیان رهتا هے

... مقدّر کا ستارا

غم نصیبوں کو کسی نے تو پکارا ہوگا

اس بھری بزم میں کوئی تو ہمارا ہوگا

آج کس یاد سے چمکی تری چشمِ پرُ نم

جانے یہ کس کے مقدّر کا ستارا ہو گا

جانے اب حُسن لٹائے گا کہاں دولتِ درد

جانے اب کس کو غمِ عشق کا یارا ہوگا

تیرے چھُپنے سے چھپیں گی نہ ہماری یادیں

تو جہاں ہو گا وہیں ذکر ہمارا ہو گا

یوں جدائی تو گوارا تھی ، یہ معلوم نہ تھا

تجھ سے یوں مل کے بچھڑنا بھی گوارا ہوگا

چھوڑ کر آئے تھے جب شہرِ تمنّا ہم لوگ

مدتوں راہگذاروں نے پکارا ہو گا

مسکراتا ہے تو اک آہ نکل جاتی ہے

یہ تبسّم بھی کوئی درد کا مارا ہو گا

...غمِ دو جہاں

تو چلے تو اِک دھنک سی تیری آہٹوں سے پھُوٹے

نہ ہو جس میں روپ تیرا وہ تمام رنگ جھُوٹے

تیری دھوپ میں گھٹائیں تیری چھاؤں میں سویرا

تجھے راستے پکاریں ہو گزر جدھر سے تیرا

چلے جب ہوا کا جھونکا تیری خوشبوؤں کو لُوٹے

تو ہر ایک رُت کے پیچھے تو ہر ایک آئینے میں

میرے گرد کھینچ دی ہیں تیرے پیار نے لکیریں

کبھی راستہ نہ بھولوں کبھی رابطہ نہ ٹوٹے

میری آنکھ میں اجالا تجھے دیکھ دیکھ کر ہو

میرا ایک ایک لمحہ تیری یاد میں بسر ہو

میرے سانس تجھ کو پا کر غمِ دو جہاں سے چھُوٹے

...مجھے تم یاد آؤ گے

نا میں لفظوں کا قیدی تھا

نا جملوں کی کوئی زنجیر میرے فیصلوں کو روک پائی تھی

مگر جانے ہوا کیسے

تمہارے ایک جملے نے

مجھے لفظوں کا قیدی کر دیا

بلکل بدل ڈالا

بچھڑتے وقت دھیرے سے تمہارا یہ مجھے کہنا

"مجھے تم یاد آؤ گے