...روح تک نمی نہیں آتی

روح تک نمی نہیں آتی

آگے پیچھے دائیں بائیں

صحرا، خاموشی کا بے انت صحرا

منہ چڑاتی ہوئی

آنکھوں اور سانسوں میں

بھری ہوئی بےچارگی۔۔۔ آگے پیچے دائیں بائیں

کچھ کہنا ہے

کچھ کہنا ہے مگر لفظ نہیں ہیں

درد بہانا ہے

درد بہانا ہے بنجر دل کی زمیں

آنکھ تک نمی نہیں آنے دیتی

دل کی پتھریلی زمیں پر

اُمیدیں خواہشیں اوندے منہ پڑی ہیں

زندگی جیسے

دھوپ کی شدّت سے جُھلسی کوئی ٹوٹی شاخ

کوئی راکھ۔۔ بے انت بکھری ہوئی

کوئی ٹوٹا پیالہ۔۔ کوئی ٹوٹا پیالہ۔۔۔۔۔

Naheed Virk