تم جب آؤ گی تو ، کھویا ہوا پاؤ گی مجھے
میری تنہائی میں ، خوابوں کے سوا کچھ بھی نہیں
میرے کمرے کو سجانے کی تمنا ہے ، تمہیں
میرے کمرے میں کتابوں کے سوا کچھ بھی نہیں
کھول یوں مٹھی کہ اک جگنو نہ نکلے ہاتھ سے
آنکھ کو ایسے جھپک ، لمحہ کوئی اُوجھل نہ ہو
پہلی سیڑھی پہ قدم رکھ ، آخری سیٹرھی پہ آنکھ
منزلوں کی جستجو میں رائیگاں اک پل نہ ہو
تیری صبحِ عاشقی میں کہیں شام آ نہ جائے
تجھے بے وفا کہوں میں ، وہ مقام آ نہ جائے
وہ جو منزلوں پہ جا کر کسی ہم سفر کو لُوٹیں
اُنہی رہزنوں میں تیرا کہیں نام آ نہ جائے
رویا تھا اس قدر ، میرے شانے سے لگ کے وہ
ایسا لگا کہ جیسے کبھی بے وفا نہ تھا
